Nimina Congress Bhavan-a inkhawmah he thu hi sawiin, Pu T. Zakunga chuan, LADC-a Congress sorkar chu MNF hotuten namen lovin an vau a, an tihsual an zawng bawk nin a sawi a, heti chung hian Congress member-te chu vau zam chi an nih loh avangin an term tawp thleng kum 2020 chu an thleng ngei dawn a ni, a ti. LADC-a Congress majority chu a nghet a, mi \henkhatin an tihsual chang reng mah se, tihhminghliauna tur an la hmu lo a ni a ti. LADC CEM chuan, MNF-in sorkarna an chan hnuah Council hna lak chungchangah Larsap hnenah an hek a, hemi avang hian mi tam tak an hna a\angin bàn an ni a; heng mite hi court-a an zualko hnuah court chuan hnalak danah dik lo a hmuh loh avangin an hna ngai zawm tir leh an ni, a ti a. Mizoram sorkarin sorkar hnathawkte hlawh bi thar Pay Comission 7-na anga a pek hnuah MNF sorkar chuan Pay 6-na hmangin Council sorkar hnathawktute hlawh a pe lui a, an theihna kawng hrang hrangah tihmualpho an tum nia sawiin, hetiang hi ni mahse, Congress kaihhruai LADC sorkar chu nghet takin a la kal zel tih a sawi.
LADC huam chhunga Village Council inthlanna neih zawh tâkah khan MNF chuan SEDP sem a nih tur thu leh party dang a\anga MNF zawmte phei chu SEDP hmangin Rs. nuai 3 pek hmasak an nih tur thu an hrilh niin a sawi a, inthlan zawh rual ruala sem mai tur angin an sawi niin Pu T. Zakunga hian a sawi bawk.
