Hemi atana hriattirna hi nimin khan State Election Commission-in a tichhuak a, heng inthlanna pahnih neih tura Returning Officer, Lawngtlai Addl. DC nibawk, Dr. Andrew H. Vanlaldika chuan vawiin khan Lawngtlaia thuthar thehdarhtute kawmin inthlanna neih dan tur hi a hrilh a, heng inthlanna chuh tumte tan naktuk chawhnu dar 3 thleng hming a pekluh theih a, hming pelutte chu naktuk tlai dar 3 a\angin endik a ni ang a, inhnukdawk duhte tan naktip, zirtawpni thleng hun hawn a ni ang a. June ni 6-ah vote thlak tur niin, zing dar 7 a\anga tlai dar 5 thleng vote thlak theih hun hawn a ni ang a, vote tlate chu June 8-ah Lawngtlaiah chhiar a ni dawn a ni.
Returning Officer Dr. Andrew H. Vanlaldika chuan MDC Bye election neih hun tur puan a nih tak avang hian Lungtian leh Ugudasury South MDC bialah te Election Model Code of Conduct hman nghal a nih thu a sawi a, inthlanna buaipuitu turte pawh ruat fel an nih tawh thu leh Vote thlak nan EVM hman a ni dawn a, VVPAT erawh hman a nih loh tur thu a sawi.
LADC-a Bye Election neihna tur Luntian MDC bialtu Pu H. Biakzauva chu MLA atan thlan a nih tak avangin he bialah hian inthlan \hatna hi neih tur a ni a. He bialah hian Polling Station 4 awmin, Vote nei mi 1,510 an awm a. CADC-a Ugudasury South-ah chuan he bial MDC Pranab Kumar Chakma chu a thih avangin inthlan \hatna hi neih a ni dawn a, he bialah hian Polling Station 2 awmin, Vote nei mi 1,544 a awm a. He biala Polling Station 2-te chu venhim uluk ngai zual a ni.
