Lai Autonomous District Council-a Lungtian bial leh Chakma Autonomous District Council-a Ugudasury South bial a, MDC bye election naktuka neih turah inthlan buaipuitu turten an hmun tur an thleng kim tawh a, ruahmanna engkim peihfel a ni.

Voters 1510 awmna Lungtian MDC bial hi, bialtu MDC Pu H.Biakzauva MLA atan thlantlin a nih tak avangin a ruak a, Vote nei mi 1544 awmna Ugudasury South hi bialtu MDC Pranab Kumar Chakma chu a thih vangin a ruak thung a ni.

Lungtian bialah hian LADC a rorellai Indian National Congress atangin Pu H.Lungrualkima leh, Mizo National Front Party atangin Pu Sanghuliana Mualchin te an inkhing a, Ugudasury South-ah hian CADC a rorellai Mizo National Front Party atangin Charan Singh Chakma leh Bharatya Janata Party atangin Susen Chakma te an inkhing dawn bawk.

Lungtian bialah hian Polling Station pali awmin, Ugudasury South ah hian Polling Station pahnih a awm a, Ugudasury South Polling Station chu venhimna uluk ngai zual Critical Polling Station a ni.

Zing dar 7 a\anga tlai dar 5 thleng vote thlak theih hun hawn a ni ang a, vote thlak nana hman EVM te chu Lawngtlai ah phurletin Inrinni khian Lawngtlai ah vote chhiar a ni ang.