Vote thlak zawh hnu nizan dar 6:50 vel khan Pu Khupthanga hi a fapa Lalrokima hian a nghawngah chempuiin a sat a, Bungtlang PHC panpui nghal ni mahse, Doctor awm loh lai anih avangin Lawngtlai panpui leh a ni a, a hliam hi a nat avang leh thisen a hloh nasat avangin, tukin dar 1:10 vel khan a thi a ni. A pa kutthlaktu Lalrokima hian zu a rui nia sawi a ni a, in chhunga buaina siamin a pa hi kut a thlak ta mai nia sawi a ni.
Pu Khupthanga hi Hmunnuam VC ah hian thlan tlin a ni a, a tling tih erawh a hre hman ta lo a ni. Pawi khawihtu Lalrokima hi pawi a khawih hnuah a tlanbo a, zawn mek a ni.
