Assembly Budget session zawhna leh chhanna hunah Pu Rintea hian, Phuldungsei Zampui chhuahlam chu Mizoram a nih thu leh tlak lam chu Tripura a nih thu a sawi a, he khua hi Chief Minister Pu Zoramthanga hovin official te nen an tlawh tawh tih sawiin Phuldungsei Zampui khawchhungah Tripura state kawng a kaltlang a, Mizo leh Bru te chenna hmun a ni tih a sawi.
Pu Rintea hian, Mizoram lamah Primary school a awm thu leh khaw tawn tirhah Tripura rifles camp a awm thu te, tripura sorkar enkawl Sub Center, forest quarters leh Middle school te a awm bakah Tourist lodge sak a nih thu te a sawi a, hetihlai hian Tripura sorkarin chhuah lam ram te chu a teh sak ngam lova, ram neitu mimal te chu inhrethiam tawnin an awm a ni a ti a, hun lo kal zel turah Tripura lamin ta neihin harsatna an siam an hlauhthawn avangin VC hran chu pek an ni a ti.
