Serchhip Sailiamkawn-a Horticulture Department buatsaih ‘Satellite Cold Room’ ah hian Serchhip Center of Excellent-a tharchhuah Dragon Fruit dahluh hmasak ber a ni a, Serchhip Divisional Horticulture Officer, M. Vanlalzami chuan thlai chingtute thlai chin chu a tharchhuah chhung a rei lo a, a thar tam laiin a man a tlawm thin avangin kuthnathawktuten harsatna an tawk thin tih a sawi a, Cold Storage hman theih a nih hnuah hi chuan thlai chingtute tharchhuah chu vawngtha-in man man zawka hralhchhuah theih beisei a ni a ti a, thlai vawnthatna hmun chu kut hnathawktute tana ruahman a nih avangin a mamawh apiangte tan hman theih a ni tawh tih a sawi.
Serchhip-a Satellite Cold Room hi Mission for Integrated Development of Horticulture sum cheng nuai 50 hmanga siam a ni a, Chamber pathum a awm a, thlai Matric Tonne 9 vawn that theihna tura duan a ni.
