Babutlanga RCS Meeting Hall-a a hawnna inkhawmah hian Cooperation Minister, Pu C. Lalrinsanga chuan, PMVDY chu miharsa zawkte chawi channa tur hmanraw pawimawh a ni, a ti a. He Proramme kalpuitu tur Cooperation Deparment chu Department zawng zawng zinga mipui hne hnai ber pawl an nih angin mipui mamawhna mil zela ke an pen chuan sum leh pai hmasawnna piah lamah mipui nunphung leh rilru thlenga hmasawn tirtu an nih theih avangin an pawimawhna an hriat thar zel a ngai a ni, a ti.
Mizorama PMVDY kalpui tur hian Tribal Affairs Ministry hnuaia Tribal Cooperative Marketing Development Federation Ltd. (TRIFED) leh Cooperation Department chuan kumin January thla khan thawh dunna thutlung an lo ziak tawh a. He Scheme hmang hian kuthnathawktute thar chhuah chu a nihna ang anga hralh lovin, a hlutna belhchhah hnuah hlawk zawka an hralh theihna tur a ni a. Hemi atana hmalakna tur sum zaa 75 sorkar laipui tum tur leh zaa 25 State sorkar tum tura tih chu 90:10 a nih theih nan Sorkar laipuiah ngen a ni a. A bul tan nan Mizorama District 7-a Cooperative Society 44 chu Van Dhan Vikas Kendra atana thlan an ni tawh a. Hemi atan hian TRIFED chuanncheng nuai 581.55 a rawn pe tawh a. He scheme hi Mizoram puma kalpui tura hmalak mek a ni. PMVDY hawnna inkhawm hi Cooperative Societies Registrar, Pu Lalrinsanga’n a kaihruai a, Cooperation Secretary, Pu J.P. Agarwal leh PMVDY State Nodal Officer, Pu K. Lalruatfela pawhin thu an sawi a ni.
