Vawiin kha khawvel puma mita khaw hmuh pawimawhzia leh a hlutna inzirtirna ni, World Sight Day a ni a, kumina he ni thupui atan hian ‘I khaw hmuh theihna hlut thiam rawh’ tih hman a ni. Aizawlah chuan sorkarin a hranin he ni hmanna hi a buatsaih lo a, Eye Care Community & Research Centre-in he ni hmanna a buatsaih chu National Programme for Control of Blindness-a State Programme Officer, Dr. Lalremmawii leh ZONET puipa, Pu RK Lianzuala’n an hmanpui a, Consultant Ophthalmologist, Dr Laura VL Biakthangi’n he ni hman a nih chhan leh, khawvel pum leh India rama mitdelna do tura hnathawh dante a sawi a ni. Khawvelah hian mitdel, mi nuai 360 an awm a, za zela 80 hi pumpelh leh ven theih nia chh<t a ni. Mi vbc. 28 leh nuai 50 vel chu mit fiah lo an ni a, an zinga vbc. 24 leh nuai 60 chu khaw hmuh fiah lo an ni bawk a, mitdel za zela 90 hi ram hnufual leh retheia chengte an ni. Naupang zingah pawh mit \ha lo, vbc. 1 leh nuai 90 vel an awm a, mit \ha lo zawng zawng za zela 65 hi kum 50 chin chung lam an ni. NPCB-a State Programme Officer, Dr. Lalremmawii chuan mitdelna leh khaw hmuh fiah lo venna leh pumpelhna tura hnathawh dan tlangpui a sawi a, Pu RK Lianzuala pawhin mit chu taksa khawnvar a nih avangin, a chhiat hnua enkawl aiin a chhiat loh nana duat leh ren a pawimawh tih sawiin, tunlaia TV, computer leh mobile phone chi hrang hrang hman nasat a nih avang hian naupang mit \ha lo an pung zel ang tih a hlauhthawn thu leh, nu leh paten mahni in chhungah \an l^k a \ul thu a sawi. He World Sight Day hmanna inkhawm tawiah hian Aizawl Civil Hospital Medical Superintendent, Dr. KL Remsanga leh RIPANS-a mit enkawlna lam zirlaite pawh an tel a, hemi hnu hian mit entir duhte tan Free Clinic buatsaih a ni bawk.
Lunglei Civil Hospital tualah pawh World Sight Day puala inkhawm hi neih a ni a, he programme hi National Programme for Control of Blindness and Visual Impairment buatsaiha hman a ni a, Medical Officer, Dr. Lalrinthangi’n inkhawma tel mipuite chu an mit \ha taka enkawl tur leh, mit na leh mit hliam palhte chu rang taka Doctor pan turin a chah a ni. Dr. Lalrinthangi chuan Health Sub Centre-a hri danna pek ruala mit tana \ha Vitamin A sem \hin a ni tih mipuite a hrilh a, mit nautea hliahtu awm cataract pawh Lungleiah zai theih a ni tawh niin a sawi bawk.
