Khawvela chawimawina sang ber, Nobel Peace Prize, kumina dawng turin nuclear ralthuam tihbo a nih theih nana \an latu pawl, International Campaign to Abolish Nuclear Weapons, ‘ICAN’ thlan a ni. Norwegian Nobel Committee chuan he chawimawina sang dawngtu tur hi a puang a, an Chairman, Berit Reiss-Andersen-i chuan Nuclear ralthuama intlansiakna khawvel a\anga hetiang ralthuam hlauhawm tihtlem tuma he pawlin \an a lak dan chu chhuanawm a tih thu an sawi a ni. ICAN hi kum 2007 khan din a ni a, ram hrang hrang 101-a pawl hrang hrang 468 intel khawm an ni a, he pawl hian Nuclear ralthuam siam chhuah leh hman an dodal bakah, nuclear ralthuam siam chhuah, hman leh en chhin tihtawp a nih theih nan ram hrang hrang leh UN-ah te pawh \an an la nasa hle a ni. ICAN nawrna avang hian July thla khan ram 122-in nuclear ralthuam khapna leh, a hnu zela tihbo vekna tur thuthlung chu an pawm a, mahse hetiang ralthuam hlauhawm nei ram 9 chu a pawmtu zingah hian an tel lo a ni. Ican hian Geneva, Switzerland-ah hmunpui a nei a, he chawimawina, dollar mtd. 1 leh nuai 1 hi December thlaah hlan a ni ang. Nikuma he chawimawina dawngtu, Colombia President, Juan Manuel Santos chuan Nobel peace prize chu van a\anga thilp>k ang hiala hlu niin a sawi.
British thuziak mi, Kazuo Ishiguro chu Nobel Prize for Literature dawng tura thlan a ni bawk a. Nobel Prize dawng tur thlangtu, Swedish Academy leh Norwegian Nobel Committee chuan Ishiguro-a thuziakin mihring ngaihruatna leh tunlai khawvel kalphung a thlun zawm dan chu \ha an tih leh, thu leh hla huanga kumina Nobel Prize dawng tura thlan a nih thu an puang a ni. Japan mite thlah, Ishiguro hi thawnthu phuahchawp ruah \ham loh ziak mite hlan \hin chawimawina, Man Booker Prize chu kum 1989 khan hlan a lo ni tawh bawk a ni. He chawimawina hian US dollar 11,00,000 a keng tel a ni.
