Kumin Oct ni 2 a\anga plastic lam chi hmang tawh lo tura Sorkar laipui ruahmanna siam plastic free kalpui dan tur ngaihtuah tura AMC Board Of Councillor-in a ruat, plastic free sub committee chu an chairman Pu Lalhmingmawia hovin vawiin khan AMC Conference hall ah an \hukhawm.

Meeting chuan, Aizawl khawpui plastic free-a siam a nih theih nan leh hmalak an thiam theih nan Bangalore leh ramchhung hmun \henkhat a hetiang lam kalpuina hmun te tlawha zirchian an rel a, Meeting kaihruaitu Sub Committee Chairman Pu Lalhmingmawia chuan plastic a\anga siam thil hrang hrang hman avangin mihring hriselna-in a tuar a, leilung leh boruak a tichhe bawk a, Aizawl khawpui tui tlan ber tlawng lui pawh a tibawlhlawhin lui leh tui luankawrah te nasa takin plastic chhia hian harsatna a thlen tih a sawi a, an hmalakna turah mipui te pawh an rilru lo inbuatsaiha Aizawl khawpui chu plastic free a puan a nih ngei theih nan thawhhopuiah a sawm a ni.

Puan tawh angin plastic free sub committee nikum December thlaa thukhawm chuan Aizawl khawpui plastic free-a siam tura hmalakna hmasa atan polythene, thermocol leh tuium plastic a\anga siam te chu an lo rawt tawh a, BOC meeting-ah an thlen hnuah kalpui tur a ni ang.