Indona hmun hlui-a mi tam tak a khawma phumna hmuh chhuahah hian a tirah chuan mi 90 ruhro hmuhchhuah a ni a, mithiamten thlan hi zir chhunzawm zelin tunah chuan ruhro an hmuh chhuah zat hi 230 an tling ta a ni. Kum 2009-a tawp ta, Sri Lanka tual chhung indona kum 26 chhung zet awhah khan mi sing 2 chuang chu chin hriat lovin an bo a, mi nuai 1 zet chu tih hlum an ni tih Human Rights Group chuan an sawi. Kumin kum tira lamah khan he thlanpui hi building sak tharna tura lei laihna a\anga hmuh chhuah a ni a, Sri Lanka Court chuan zirchiang turin mithiamte thu a pe nghal a, heng ruhro te hi tute nge an nih tih leh engtianga thah nge an nih tih erawh hriat theih a la ni rih lo a ni.
