Kumin Krismas lo thleng tura mipuiten boruak thawl leh ralmuang tak hnuaia mamawh an lakkhawm theih nan Coordination Committee on Traffic Management-in tun thla ni 21 leh ni 24-ah Aizawl khawpuiah No Vehicle Zone siam leh a remti.

Hemi chungchanga thutlukna hi Home Minister, Pu Lalchamliana, Coordination Committee on Traffic Management Chairman ni bawk kaihhruaia vawiina a office-a \hutkhawmnaah siam a ni a, No Vehicle Zone neih chhung hian kawngpui tichep zawnga kawngsira thil zawrh phal a ni dawn lo a ni. Home Minister chuan kumina Krismas leh kumthar lawm laiin sorkar phal loh, halpuah, halmawi leh silai lem a mu kap chhuak thei zuar lo tur leh hmang lo turin mipuite a ngen nawn leh a, Krismas leh kumthar hlim taka hmang turin mipuite duhsakna a hlan bawk.