Aizawl District huam chhunga pawikhawihna thleng thlirletna nimina Aizawl SP, Pu Brijendra Kumar Yadav hova SP Conference Hall-a neihah kumin January a\anga November thla thleng khan IPC hnuaia pawikhawihna ziahluh 781 leh Non IPC hnuaia thubuai ziahluh 158 a awm a, hei hi nikum hemi hun chhunga thubuai ziahluh aiin 291-in a tlem zawk a ni. Heng zinga 613 chu chinfel tawh a ni a, la chinfel loh 326 a awm a ni. Kumin January a\anga November thla thleng khan IPC hnuaia thubuai ziahluh zingah ruk ruk leh in rawk a tam ber a, 554 a tling phak a, naupang laka pawikhawihna, POCSO case 63, MLPC hnuaia thubuai 57, tualthah thubuai 6 a awm a ni.
He meeting-ah hian kumin Krismas leh kumthar vuakveta mipuiten ralmuang taka hun an hman theih nana hmalak dan tur an rel bawk a, nasa zawka misualte hnuchhui kawnga hmalakte, hunpui lo thleng tura thianghlim tak leh ralmuang taka hun an hman theih nan sorkar khap thil halpuah leh a kaihhnawihte, zu leh ruih theih thilte hmanga midangte tana harsatna siam lo tura hmalak nise an tih bakah Assembly inthlanpui neih zawh taka Security duty ten \ha taka an mawhphurhna an hlenchhuak chu lawmawm an tih thu te an sawiho a ni.
