Dengue natna do thla, Anti Dengue Month puala Health Department-in inkhawm an buatsaiha tarlan anih danin Dengue natna hi kum 2012 khan Mizoramah hriat \an a a, kum 2016 khan he natna vei hmuhchhuah hi tam berin 580 an tling a, kuminah rinhlelh mi 146 thisen endik zingah 10 chu a vei tih finfiah an ni a, Dengue natna hriat a nih a\angin thihpui an la awm lo a ni.
Anti Dengue Month puala inkhawm buatsaih hmanpuitu Health & Family Welfare Board Vice Chairman Dr ZR Thiamsanga chuan, tunhmaa natna hriat ngai loh ten Mizoram a rawn thleng ve mek tih a sawi a, health department lama thawktute pawh an hnathawh dan te herrem-a an in tuai thar zel a \ul a ni a ti.
Dr Thiamsanga hian Mizoram Health Care Scheme chu Company ruai loin Sorkar-in changtlung zawk a kalpui a nih theih nan hma ala tih a sawi a, kumin October thlaah chuan he scheme hi mipui ten an chhawr theih nan peih hman tum a nih thu a sawi. Inkhawm hi Health Service Director Dr.Lalchungnunga’n a kaihruai a, NHM Director Dr.Eric Zomawia’n thu a sawi bawk.
