Kumin hian kum dang angin Kawn leh Veng chhung chei mipuiten uar lo mah se, veng tam takah kawn leh veng chhung chei hmuh tur a awm a, Aizawl khawpui chhung hmun hrang hrang tlawhtu Zonet chuan Aizawl chhim lama veng hrang hrang chei te nizan khan an en a, chung zingah chuan Tlangnuama Mizo taka an veng chhung cheite, Khatla East-a mawi taka veng chhung kawng dung chei te leh Sikulpuikawn kawng peng \huam lai mawi taka chei te a tel a ni.

Heng hmun hrang hrangah hian hmun mawi leh nalh ena \halai leh chhungkaw \henkhat a huhova leng chhuak hmuh tur tam tak an awm a ni. Durtlang Mual Veng pawh mawi taka chei a ni a, Ramhlun South-ah chuan Nu Valai pawl bultumin an veng chhunga hmun lunlai, bus stand leh a chhehvel chei a ni a, a cheinaah hian nu valai pawl chu K|P leh veng chhung pa hoten an pui bawk a ni. Chaltlang Field bula kum danga an chei \hin lai hmun pawh kumin hian nalh danglam taka chei leh a ni a, helai veng cheitute hian anmahni thilsiam chhuah \hahnem tak an hmang nia thudawn a ni. Tuikhuahtlanga tuizem sen bul hmun awl zau lai pawh nikum ang bawkin kumin hian mawi taka chei a ni a, helai hmunah hian an veng tlangval pahnih tunhnaia Serlui A-a tlahlum ta te hriatrengna siam a ni a, hetah hian an thlalak te pawh dah tel a ni.