Zawhna chhangin Traffic OC, Pu Lal\anpuia chuan, kumhlui thlan zanah hian mipui vakchhuak an tam \hin avangin lirthei hmanga chetsualna a thlen loh nan Aizawl khawpui chhung hmun hrang hranga kawng peng\huam pawimawh zualah Duty an dah dawn tih a sawi a, Duty hi engtianga rei nge an awm dawn sawi lawk theih ni lo mah se, mipui veivak an awm chhung chu an duty reng dawn a, boruak a ralmuan hnuah bak heng duty post hi chhuahsan a ni dawn lo niin a sawi. Pu Lal\anpuia chuan, urlawk zanah pawh khan kawng peng\huam pawimawh zual laiah Traffic Duty hi dah an ni tih sawiin, hei hian chetsualna thleng tur nasa taka a tihtlem phah nia an hriat thu a sawi a ni.
Zawhna chhangin Traffic OC chuan, krismas vuakvet chhung pawh khan Aizawl khawpui chhehvelah Road Accident lian tham a thleng lo niin an sawi a, kumin hian kumdang zawng aiin lirthei chesualna hrim hrim a thleng tlem zawk nia an hriat thu leh hei hian an hna pawh nasa taka a zangkhai phah nia an hriat thu sawiin, kumin hi khua a vawt zual deuh a, hei vang hian zan lama lirthei, a bikin two wheeler tlan chhuah an tlem phah nia an hriat thu a sawi a ni.
Hetih lai hian kum danga Decmeber ni 31-a Aizawl Bazar chheh vela lirthei tlan lohna hmun, No Vehicle Zone siam \hin chu kumin hian tih a ni dawn tawh lova, tun hnaia Home Minister, Pu Lalchamliana hova Traffic Management Coordiantion Commttee \hukhawm chuan No Vicle Zone siam \hin chu kumin bikah chuan tihtawh rih loh ni se tiin a rel a ni.
