Nimin kha kum thar chawlh hman hnua ni hmasa ber ni mah se, zing lam a\anga ruah a sur avangin khawlaia chhuak mipui an tlem a, Bazar leh a chhehvelah pawh dawr inhawng awm bawk mah se, dawr tam zawk a inkhar a, vawiinah erawh tukin lamah ruah tlem sur mah se, a sur reih loh bakah vawiin hi Inrinni a nih avangin Aizawl-a Dawr tam zawk chu a inhawng tawh a, Bazar-a chhuak mipui tawh tam tawhin, naktuk Pathianni atan chawhmeh leh mamawh dang in leikhawm pawh mi \hahnem an awm tawh a ni. Khawchin hrilh lawktu India Meteorological Department chuan nimin leh vawiin hian Mizoram hmun \henkhatah ruah a sur bakah \ek leh khawpui thawk thei turin a tarlang a, hmun \henkhatah chuan rial tla maithei dinhmunah a din avangin mipuite chu fimkhur turin ngen a, rinlawk angin hmun \henkhatah ruah tlem sur mah se, harsatna thlen khawpin a tla tam lo a ni.
