Kum nga hnuah hmarchhak bialin kawlphetha megawatt 4,000 vel a mamawh belh dawn – NE Council Advisor

North Eastern Council Advisor, W Synrem-a chuan tun atanga kum nga hnuah hmarchhak bialin kawlphetha megawatt 4,000 vel a mamawh belh dawn niin a sawi a, hei hi khaw tam zawkah kawlphetha pek chhuah a nih tawh dawn avang leh thil siam chhuahna hmunpui a tam tawh dawn vang niin a sawi. Synrem-a chuan, kumin March thla thleng khan hmarchhaka khaw awm zawng zawng zaa 96-ah kawlphetha pek chhuah a ni a, Tripura leh Sikkim-ah phei chuan khaw tinin kawlphetha a hmang vek tawh a, hetih rual hian hmarchhak biala state thenkhatah chuan kawlphetha nei lo khua eng emaw zat a la awm a, Arunachal Pradesh-ah chuan khaw awm zawng zawng zaa 77 chauhin kawlphetha an la hmang a ni.