Heng misual thiam loh chantir khaihlum tak te hi kum 30 mi Akshay Thakur, kum 25 mi Pawan Gupta, kum 26 mi Vinay Sharma leh kum 32 mi Mukesh Singh te an ni a, tanin-a an awmna pindan hrang \heuhah khaihlum an ni.
Kum 2015 hnu lama tangte an tihhlum leh hmasakna ber tur a nih vangin nizan a\ang khan Tihar Jail hi an kharkhiap vek a ni.
Pawngsual tawktu hi Nirbhaya tiin a hming lem vuah sak a ni a, kum 2012, December ni 16 zan khan a \hiante nen intihlima an chhuah hnuah bus-in an in lam a pan a, a chuanna bus-ah hian mi 6 an chuang a, heng mite hian Nirbhaya chu pawngsual rawnin nasa takin an sawisa a, hliam na tak tuar chungin an kalsan a ni. He hmeichhia hian amah pawngsual rawntute chu chiang taka an hmel a hmuh avangin a thih hma khan misual 6 te hi Police te chuan an man a, an zinga mi pakhat, Ram Singh chu lung inah a inawkhlum a, pakhat chu kumtlinglo a nih vangin reform home-ah an dah a ni. Nirbhaya hi Singapore damdawi inah a thi a ni.
Nirbhaya nu Asha Devi chuan misualte khaihlum ni tur chu hunrei tak a nghak tawh tih sawiin, India rama hmeichhiate tan ni thar duhawm tak a thleng a ni a ti.
