Budget pharh takah han sum hmuh tur beisei zat leh hman ral tur beisei zat a inang chiah a, revenue surplus cheng vbc 763.11 awm tura ngaih a ni a, sum indaih lohna avanga sorkarin sum a puk tur, fiscal deficit chu cheng vbc 519.69 a ni dawn a, hei hi GSDP a\anga zaa 1.66 a ni.
Mizoram sorkarin sum a thawh chhuah tur beisei zat, tax leh non tax revenue chu cheng vbc 1244.76 a ni a, hei hi sorkar sum hmuh tur zawng zawng a\anga zaa 12.72 a ni. Hei bakah hian CSS hrang hrang kalpuina tur cheng vbc 2033.99 leh thil dang a\anga hmuh beisei cheng vbc 385.85 a awm bawk.
Budget pharh takah hian PWD road fund board in kawng thawm \hat hna an thawhna tur cheng vbc 40 dah a ni a, parking House Support Scheme PAHOSS atan cheng vbc 10, Cooperative Society te hnena a pung tlema loan pek tur cheng vbc 10 dah a ni a, Autonomous District Council pathum te tan cheng vbc 451.06 dah a ni a, Sinlung Hills Council tan cheng vbc 5 nuai 85 leh Sialkal Range development council tan cheng vbc 2, MLA ten an biala hmasawnna hna an thawhna tur MLA Fund ah cheng vbc 60 dah a ni.
