Budget pharh paah thu a sawiah Pu Lalringliana chuan, sorkar kumthar atana budget ruahman chu sorkar kum kalmek a budget aiin cheng nuai 1,904 in a tam zawk tih a sawi a, Finance Commission 15 na hnuai atangin AMC tan cheng nuai 4,500 hmuh beisei a nih thu a sawi a, commission duh danin a zatve chu bawlhhlawh sawngbawlna leh ruahtui dah khawlna lamah hman tur a ni a ti. Pu Ringa chuan, hna lian tham an thawh tur zing ami Bawngkawn Brigade Field thuam that nan cheng nuai 200 dah a nih thu a sawi a, Tuikual South-a Auditorium sak na turin cheng nuai 200 dah a nih bakah mel 3 ah bus terminal siamna turin cheng nuai 180 dah a ni a ti a, hei bakah khawpui tih hmasawnna tur hrang hrang ruahman a ni a ti. Pu Ringa chuan, AMC-in kum 2020-2021 chhungin cheng nuai 607.20 thawhchhuah theih a inbeisei thu sawiin hengte hi Property Tax atangain cheng nuai 290, Rental Income atangin cheng nuai 12, Fees & User Charge atangin cheng nuai 170.20, Sale & Hire Charge atangin cheng nuai 60 leh Bank Interest atangin cheng nuai 75 te a ni a ti.
|hutkhawm hi Mayor Pu PC Lalhmingthanga’n a kaihruai a, Ward No. V councillor Pu Rosiamngheta’n Zero Hour ah khawvel a hri leng mek do let kawngah AMC danin a sawi angin thuk zawka AMC inrawlh a \ul thu a sawi a ni.
