Supplementary Demand for Grants hi budget session hmasa-a house in a pass tel loh, sorkar sum hman tur leh hman tawhte chinfelna a ni a, cheng vbc 3398 nuai 12 sing 7 sang 1 bakah hian house in a pass kher ngai lo chi-a sorkarin sum a hman, charged tia sawi cheng vbc 76 nuai 3 sing 4 sang 7 kum 2019-20 chhung hian a awm bawk a ni.
Supplementary Demand for Grants hi Chief Minister aiawhin Dy Chief Minister Pu Tawnluia’n Assembly house ah pawmpui turin a pharh a, thu zawhfiah duh neite tana hun a hawn-ah Congress member Pu C. Ngunlianchunga chuan Dist Council Affairs Dept.in District council te tana sum a pek belh, grants in aid, non salary ah LADC chu State Finance Commission rawtna angin cheng nuai 50 pek belh a ni a, MADC in cheng khat mah an dawng lo a, Chakma Autonomous District Council erawh chu cheng nuai 500 ngawt pek belh a ni tih a sawi a, hei hi CADC ah MNF sorkar a din vang a ni em tih a zawt a, Pu Tawnluia hian, CADC hian an indaih lohna sorkarah an thlen a, Chief Minister remtihnaa pek an ni tih a sawi a, District council dang pahnihten an mamawh an thlen ve em tih chu a chhang thei lo tih house a hrilh a ni.
Opposition Group Leader Pu Lalduhoma chuan sawi ho mumal lova Supplementary Demand for grants pass a ni mai \hin chu \ha lo a tih thu a sawi a, budget sawiho anih laia pass bak cheng vbc sang 3398 chuang sorkarin legislator te hriatpui loha a hmang chu a tam lutuk deuh a ni a ti a, dept \henkhat cheng nuai nuai sing chuang lai Assembly in a pass bak hmang te pawh an awm a, house a sawiho mumal lova sum tam tak pass mai \hin anih chuan sum enkawl kawngah sorkar a fimkhur thei dawnin a lang lo a ni a ti.
Dy Chief Minister Pu Tawnluia chuan supplementary demands for grants hmanga pawisa siamrem tur chhawp chhuah zingah hian Centrally Sponsored Scheme, North East Area fund leh NLCPR a\anga sum hmuh cheng vbc 1575 nuai 96 tel tih a sawi a, hei bakah hian Externally Aided Project leh NABARD a\anga sum hmuh cheng vbc 275 nuai 83 a awm bawk tih a sawi a, Mizoram sorkarin budget-a pass bak, inrelbawlna leh a kaihhnawiha sum a hman belh leh sum awmsa siamremna chu cheng vbc 1622 nuai 37 a ni tih a sawi.
Member pahnihte zawhna a chhan hnu hian Speaker Pu Lalrinliana Sailo kaihhruaina hnuaiah kum 2019-20 chhunga Mizoram sorkar sum indaih lohna phuhruikna tur Supplementary Demand for Grants hi house chuan lungrual takin a pass a ni.
