He tleirawl hian kum 2017 khan Kuldeep Singh Sengar hian pawngsual a tum niin a sawi a, Police ten Kuldeep chu manin, tunah hian lung inah a tang mek a ni.
Hmeichhe tleirawl hi a chhungte leh a ukil te nen car-ah hian an chuang a, an piaha truck tlan chuan na takin a su a, a chhungte pahnih a hmunah thi nghalin, amah leh a ukil chu an hliam a, damdawi in panpui an ni.
Police hotute sawi danin hliam pahnih te dinhmun chu a \ha vak lo a ni. Chetsualna enfiahnaah tihpalh thil thua thleng nia hriat a ni a, amaherawhchu, CBI te chhuitir an duh chuan an la endik leh dawn niin police te chuan an sawi.
Tleirawl nu chuan, Kuldeep Singh Sengar chu lung inah tang mahse, a \huihruaite an tan ve loh avangin lung in a\angin a mite chu phone hmangin thil tihdan tur a hrilh niin a sawi a, vauna pawh an tawk \hin tih sawiin, rorelna dik an duh tih a sawi bawk.
Anmahni sutu truck number hi rawng dum hnawih hnan a ni a, Police te chuan a chhan an chhui mek a ni.
Hetihlai hian Congress hruaitu, Priyanka Gandhi chuan twitter-ah BJP sorkar chu sawiselin, a MLA pakhatin tleirawl a pawngsual a, a pa nasa taka sawisak a nih hnuah police kutah a thi a, a pawngsual lai mita hmutu pakhat mak tak maiin nikum lamah a lo thi tawh a, tunah thil thlen dan hmutu tho thah a ni leh a, a ukil na taka hliam a nih bakah amah ngei pawh damdawi inah hliam na tak tuarin a awm mek a, BJP sorkarah misual an ngampa hle a ni a ti.
