Bissonnette hian kum 2017 January ni 29 khan university-a zirlai a nih laiin hnam chungnung zawk nia inngaihna leh Muslim mi huatna a neih vangin Quebec-a Muslim mosque-a an tlai \awng\ai hun hmang zo chu rifle leh pistol hmangin a bei a, mi 6 a thah bakah mi 5 a hliam a, tan-in khung nghal a ni.
Bissonnette chungchang hi darkar 6 vel Court-ah ngaihtuah a ni a, Superior Court Justice François Huot chuan dam chhung lung in tang turin a chungthu a rel a, parole dil turin kum 40 a nghah a ngai dawn a ni. A kut tuara thi chhungte leh damchhuak te chuan kum 40 hnua parole a dil phalsak a ni hi a nngai thei lo hle a, Court lakah hian an lungawi loh thu leh Bissonnette hi a thil tiha a inchhir loh thu an sawi bawk a ni.
