Assembly Budget Session neih meka pharh tak CAG Report tarlan danin, sorkar laipui Ministry of Development of North Eastern Region (DoNER) chuan kum 2016 January thla khan |halai hnathawh tur nei lo mi 400 hnena Training pek nan MYC hnenah Rs. Vbch 2 leh nuai 51 a pe a, hemi kum January thla vekah MYC chuan heng sum hmanga \halaite hnena training pe turin Placement Agency 16 rawih a remti a. Hemi atan hian \halai 463 chu Hospitality, Aviation, Retail, Tourism leh Information Technology Training tura thlan niin, an zinga 50 chuan an zir zawh hmain an bansan a ni.
CAG Report tarlan danin, General Financial Rules, 2005 Rule No. 168-in a sawi ang chuan, sum hmanna reng reng Rs. nuai 25 aia tam a nih chuan Consultant a\anga sum hman dan endikna, Expression of Interest chu National News Paper-ah vawi khat chhuaha, Department Website-ah tarlan bawk tur a ni a. He thil endikna a\ang hian Placement Agency 16-te rawih an nih danah thil dik tawk lo a awm ngei nia hriat a ni a, anmahni rawihna lehkha leh an hnathawh dan tur leh sum hman dan tur pawh ziaka dah engmah a awm lova, MYC chuan kum 2016 May leh kum 2017 January khan heng Placement Agency-te hnenah hian Rs. nuai 77, sing 5 leh sang 3 a hlan a, he thil chhuitu CAG hnena MYC-in Report a pek dan chuan Training pek zawng zawng 413 zinga 386 chu Training an zawh hnuah hnathawh tur zawn hmuh sak an ni a, hetihlai hian Placement Agency-te Invoice a\ang chuan \halai 506 hna zawn hmuh sak anga ziah a ni thung. Placement Agency 16-ten Invoice 25 an thehluh chu lehkha pangngaiah ziah niin, an registration number leh thil pawimawh dang engmah tarlan a ni lova, invoince an thehluh 25 zinga 24 chu an thehluh hmaa sum pek niin, pakhat dang pawh hi invoice an thehluh nia sum pek nghal an ni a, heng sum inpeknaah hian Receipt mumal pakhatmah hmuh tur a awm loh avangin heng sum hmanaah hian thil dik tawk lo a awm nia ngeia hriat a nih thu CAG Report chuan a tarlang a ni.
