Mahni intihlum 12,021 te zingah hian 6,888 te chu sorkar \anpuina dawng thei tura enfel an ni tawh tih Relief and Rehabilitation Minister Subhash Deshmuk chuan ziaka assembly zawhna a chhannaah a sawi a, tun thlengin heng mahni intihlum ta chhungte mi 6,845 te hnenah tangkafai \anpuina cheng nuai 1 \heuh pek an ni tawh tih a sawi.
Kumin January leh March inkarah loneitu 610 intihlum an awm leh tawh a, an zinga 192 te chu sorkar \anpuina dawng thei tura enfel an ni tawh tih minister hian a sawi bawk a, an chhungte hnenah \anpuina an dawn tur pek chhuah an ni tawh a, a bak zawng chu an dinhmun la zirchian mek a ni a ti.
