Thawh\anni khan Shuja chuan US a\angin, Skype kaltlangin, Foreign Press Association leh Indian Journalists’ Association te buatsaih, London-a press conference-ah EVM siamchhuaktu, Electronic corporation of India Limited(ECIL) nena thawk \hin nia insawiin fianfiah theih loh thil tam tak a puang a, ECIL erawh chuan Shuja chu an hnuaiah a la thawh ngai loh thu leh EVM siam chungchangah pawh a inrawlh loh thu thawhlehni khan a sawi thung.
Shuja chuan 2014 inthlanpuiah khan BJP-te’n EVM hi modulator hmangin an hack niin a sawi a, a thawhpuite nena he thil hi an hmuhchhuah hnuah May ni 13, 2014 khan BJP te nena meeting neih tuma an kal chu silaiin an lo kap niin a sawi a, a thawhpui mi 11 an kahhlumte chu May ni 14, 2014-a Hyderabad-a Kishanbaug-a hel intihbuainaa thi angin an lantir niin a sawi. Hyderabad Police te chuan khami ni khan Kishanbaug ah mi 3 chauh an thih thu an sawi thung a ni.
Shuja lakah hian IPC Section 505 hnuaiah FIR ziahluh a ni. London-a a press conference buatsaihtu zing ami IJA-Europe President Ashis Ray chuan Shuja hian an lung a ti awi lo hle tih a sawi a, chutihrualin a thil sawite ngaihthlak sak chu an hna anih thu a sawi thung.
