Kum 2014 a\anga vawiin thlengin Value Added Tax, Entertainment Tax leh Mizoram Entry Tax hnuaiah chhiah awl tir 50 an awm tih Taxation Minister, Pu Lalsawta’n House a hrilh. Assembly Budget Session neih meka Congress member, Pu TT. Zothansanga zawhna ziaka a chhannaah he thu hi sawiin, Value Added Tax hnuai bikah chuan Company pathum hnenah chhiah awl phalna hi pek a ni a, chungte chu UD&PA Department hnuai Rajiv Awas Yajona Pilot Project siamna atan kum 2015-16 ah Rs. 7,34,600 te, North East Consultancy Service hnenah kum 2016-17 chhungin Rs. 1,26,63,418 leh Power and Electricity Department hnuaia Rural Electricity Distribution Backbone atan kum 2016-17 chhungin Rs. 2,93,46,920 te a ni tih a sawi. Pu Lalsawta chuan, kum 2016-17 chhungin Entertainment Tax hnuaiah mi 8 chhiah awl tir an nih thu leh an chhiah awl zat chiah erawh hriat mai theih a nih loh thu a sawi a. The Mizoram Entry Tax chu kum 2016 April ni 1-a hman \an a nih a\angin mi 39 hnenah chhiah awl phalna pek a nih tawh thu pawh Taxation Minister chuan sawiin, chhiah awl dil zinga mimal, Company leh Department \henkhat-in an thil phurh luh turah a man zat an tarlan loh avangin an chhiah awl zat hi hriat mai theih a ni lo tih a sawi. Sorkar Department-te chhiah pek tur chu Sorkar pek tho a nih bakah \ul lova hun khawhralna a nih avangin awl phalna pek \hin a ni tih Pu Lalsawta chuan a sawi bawk.
