Pu Lalhriatrenga Chhangte-in Chief Minister a puhna hi Serchhip Chief Judicial Magistrate Lalngaihmawia Zote chuan a ngaihtuah a, hetah hian Pu Lalhriatrenga Chhangte-in thuhretu atana a hman Pu Kapliana Pachuau chu Chief Judical Magistrate, Pu Lalngaihmawia Zote leh Pu Lal Thanhawla Ukil pahnih, Pu Remsanga Nghaka leh Pu Laithanpuia ten thu an zawtfiah a, hetah hian Pu Kapliana Pachuau chuan Kolkata New Town AI-178 hmuna Pu Lal Thanhawla in hmun hlutna chu a chhiah pek a\anga chhutin Rs. 22,21,92,532/- man a ni tih Court chu a hrilh a, hei hi Pu Lal Thanhawlan inthlan dawna a thil neih zat tarlannaah a ziak tel lo niin a sawi. He thubuai hi Chief Judicial Magistrate chuan September ni 14-a ngaihtuah chhunzawm turin a dah a, hetah hian Pu Lal Thanhawla chu Chief Judical Magistrate leh Pu Lalhriatrenga Ukil ten thu an zawtfiah ve thung dawn a ni. He thubuaia a tir lama ziah tel, Pu Lal Thanhawla’n kha inthlanna neihah khan a kum a ziak lo tia Pu Lalhriatrenga Chhangte-in a lo puhna chu sawisel theih hun chhung a pelh tawh avangin hnawl a lo ni tawh a ni.
