Excise and Narcotics Minister, Pu R. Lalzirliana’n kum 2013 a\anga kumin March ni 5 thleng khan Mizoramah damdawi hmansual vanga thi mi 232 an awm tih MNF member, Dr. K. Beichhua zawhna chhangin House a hrilh. Mizorama ruihhlo man tam zawk chu khawchhak lam Myanmar a\anga lo kal a nih thu leh khawthlang lam leh thlawhtheihna hmanga phurh luh mante pawh a awm \hin tih a sawi. Pu R. Lalzirliana chuan, ruihhlo do kawngah theihtawp chhuah a nih thu leh tunah hian Central YMA nen thawhdunna thuthlung siama, chak taka hmalak mek a nih thu a sawi a. YMA bakah tlawmngai pawl dangte pawh thawh ho pui niin, tlawmngai pawlte chu a hranpaa lawmman pek ni lo mah se, krismas leh kumthar vuaveta an thingpui inna tur leh an petrol man tur pek a ni \hin tih a sawi.
