Kum 2012-a mipui pungkhawmin P Jayarajan leh TV Rajesh te chuanna motor an beihnaah Shukoor hi man a ni a, darkar 2 chuang thu zawhfiah a ni a, mipui pungkhawm zingah a tel ngei a ni tih finfiah nan a thlalak thehdarh a nih hnuah, Feb ni 20, 2012 khan thah a ni. CBI hian Indian Penal Code-a Section 302 leh 120B hnuaiah P Jayarajan-a lakah hian tualthah thubuai leh inphiarruk thubuai an ziaklut a, party MLA TV Rajesh-a pawh he phiarruknaah hian tel vea puhin, a lakah thubuai an ziaklut bawk a ni.
CPI(M) Kannur district committee chuan P Jayarajan-a laka thubuai thehluh a ni hi politician te beihnan-a dik lo taka CBI hmanna a ni an ti a, eptu pawl hotu lu Ramesh Chennithala chuan CPI(M) te chu tharum thawhna nena che fo \hinah puhin, Shukoor-a rawng taka thah a nih dan khan mi zawng zawng thin a \hawng a ni a ti.
