Kum 2007 Mizo Idol contest-a mi hriat hlawh leh langsar ber pakhat, kum 2008-a bike chesuala boral ta, R.Lalhmangaiha fapa, Zakaria Malsawmdawngkima puala ZONET-in bank-a pawisa, Rs. 1,80,000/-, kum 10 chhung atana term deposit-a a dahsak chu a pung nen a vaiin Rs. 4,37,341/- a ni a, hei hi vawiin khan Zakaria leh a nu, Lalnunmawii (Temami) hnenah hlan a ni ta.

He pawisa hi ni 5.8.2008 zana Veraz leh ZONET \ang dun buatsaih, Leikapui Zan-a telte pawisa thawh, Concert ticket man leh R. Lalhmangaiha ralna atana mipuite thawh tlingkhawm a ni a, khatih lai khan Zakaria hi kum 3 emaw chauh a la nih avangin a lo \hanlen huna eizawnna leh khawsakna bul\anna kawng zawnna atan kum 10 atan dah sak a ni. He chhawmdawlna pawisa hi Zakaria te nufa kutah hian ZONET Director, Pu RK Lianzuala’n a hlan a ni.

Hetihlai hian Mizo Idol Season 6 Second Round chu zanin hian ZONET Studio-ah chhunzawm a ni dawn a, hetah hian mi 47 intihsiak tura beisei an ni.