Kum 2002-a Gujarat buaina kaihhnawiha Pu Narendra Modi leh mi dangte khin nawn leh tumna chu Gujarat High Court-in a hnawl a, kha Godhra buaina-a thi, Muslim pakhat, MP hlui, Ehsan Jafri-a nupui, Zakia Jafri chuan, Special Investigation Team-in khatih laia state CM, Narendra Modi leh mi dang \henkhat thiam a chantirna, court hniam zawkin a pawm tawh chu High Court-ah hian a thlen a, mahse High Court chuan hei hi a hnawl rualin, he thil chhui nawn leh dilna, thuneitu sang zawka thlen erawh chu a phalsak a ni. Zakia leh pawl pakhat, Citizen for Justice and Peace chuan he thil hi ngaihtuah nawn leh an duh a, SIT hian Pu Modi-a leh mi dang \henkhat a tifihlim ringawt nia sawiin, Pu Modi-a leh mi dang 59 chu thubuai siamsak leh ni se an ti a, an zingah hian senior police officer leh sorkar hotu lian dangte pawh an tel a ni. Congress hruaitu, Ehsan Jafri hi kum 2002 February ni 28-a Gulbarg Society-a thah, mi 68 zinga mi a ni a, kum 2012 February ni 8 khan Modi-a leh mi dangte thiam chantirna hi SIT-in a thehl<t a ni. High Court Judge, Justice Sonia Gokani chuan a thuchhuak hi a duh phawt chuan Pi Zakia Jafri hian Supreme Court-ah pawh a thlen thei tih a sawi.
