June ni 7, 1998 khan King leh Shawn Berry leh Lawrence Brewer te chuan Texas, Jasper-a lirthei pakai-na tur zawng Byrd hi an ru bo a, an lirthei hnunga km 5 an hnuh hnuah Africa mi America piang te biak in hmaah a ruang an hnutchhiah a, mi ngo te chungnung zawka ngai pawl “KKK” chhinchhiahna chuang meitalh an hnutchhiah bawk a ni. Kum 1999 khan King hi tual thah thubuai-ah thiam loh chantir a ni a, tihhlum turin a chungthu rel a ni a, Texas Department of Criminal Justice chuan Huntsville-a thi tura ruatte tihhlumna pindan-ah tur hmanga chiu hlum a nih thu an puang a ni.
KKK mi leh sa King hian a hmain thubuai dang vanga lung in a tan laiin KKK zawm tur hian hnam dang te beih chungchang leh vun hang te ruk bo a thah chungchangah thu a lo tiam tawh nia hriat a ni a, he a pawikhawih vang leh kum 1998 veka Wyoming University-a zirlai mahni anpui kawp ching Matthew Shepard te rawng taka thah an nih avangin hemi chungchang ngaihtuahna tur dan bik, Federal Hate Crime Prevention Act hi pass a lo ni.
