Kum 1995-a Australian Federal Police Assistant Commissioner, Colin Winchester thattua puh, dam chhung tang tura a chungthu rel, David Eastman chu Court-in thiam lohna a nei lo tih a finfiah hnuah dik lo taka a chunga hremna kum 19 chhung lekkawh a nih vangin zangnadawm nan US dollar maktaduai 4.8 pek a ni.

Court-in David Eastman chungthu a rem hnuah David hi chhuah zalen a ni a, hetihlai hian Colin Winchester thattu erawh an la man chhuak lo thung.

Hemi hmalam hian David Eastman hian Australian Capital Territory sorkarin zangnadawm nan Australia pawia dollar maktaduai 3.8 pek a tum chu a lo hnawl tawh a, man a nih vangin Eastman-a hian chhungkua a dinna tur leh a eizawnnate a bahlah phah a, a tan chhungin a nu leh a unaute pahnih an thi tih ACT Supreme Court chu hriattir a ni a, a ukil Sam Tierney chuan Court an chhuahsan hnuah Eastman-a’n a tan chhungin a nuna thil pawimawh tak tak thleng tur a ch^n tih a sawi bawk a ni.

Police Officer, Colin Winchester hi kum 1995 khan Canberra-a a in kawta awm lai chu a lu-ah vawi hnih kah a ni a, hemi hmalam hian Eastman chuan Police te hnenah dan bawhchhiat chungchanga vauna a lo thawn vangin amah chu ringhlelin an man a, damchhung lung in tang turin a chungthu Court-in a rel a ni.