Kum 1989-a a nupui hlui unaupa leh chhungte dang thah vanga US Supreme Court-in thiam loh a chantir, kum 70 mi, Billie Wayne Coble chu vawiin khan Texas-ah tihhlum a ni.

Texas Department of Criminal Justice chuan Coble hi tualchhung sanaa tlailam dar 6:24 khan a thi tih a puang a, thih theihna chi damdawi hmanga chiu a nih thu leh a thusawi hnuhnung ber chu “That will be five dollars. Take care” a nih thu a sawi bawk a ni. Coble hi US-in kumin chhunga Court-in thiam loh a chantir a tihhlum 3-na a ni a, Texas bik hian kumin chhungin thiam loh chantir mi 2 a tihhlum tawh a ni. Coble hi sipaia \ang \hin a ni a, Vietnam indo hun lai pawh khan tirh zingah a tel ve a, a nupui hlui unaupa, police ni bawk John Bobby Vicha bakah an u leh pa, Rober leh Zelda Vicha-te an chenna ina a kahhlum hnuah, a nupui hlui hi a rubo leh a, police-te’n man tuma an um laiin a nupui hi chemin a vit a, a thi lo hlauh a ni.