Kum 1975 June ni 25-a khatih laia Prime Minister, Pi Indira Ghandhi kaihhruai Congress Sorkar-in Emergency puanga Central leh State-a an mahni dodaltu leh hnawk a tih zawng man a, dan lova Jail-a a khung duh lohna leh hriatreng nan BJP -in vawiin khan ram pumah Black Day an hmang a, hei hi Mizorama BJP te pawhin an zawm ve.

Hemi puala inkhawm Upper Republic-a an Party Pisa-a neih hi BJP Mizoram State Secretary, Pu VL Awia’n a kaihruai a, State General Secretary, Pu Vanlalhmuaka chuan, Indira Ghandhi kaihhruai Congress Party in Kum 1975 June 25 a, emergency a puan avang khan India ram Politics chu nasa takin a buai a, mipui tam takin an tuar a ni, a ti a. Mizo zingah pawh he emergency avang hian jail-ah mi 4, Pi Sanglianchhungi, Pu AV Pakunga, Pu C. Vulluaia
leh Pu HF Rohlupuia te khung an ni tih a sawi.

He inkhawmah hian Speaker hlui, Pu Hiphei leh Pu Vanupa Zathang pawhin thu an sawi a, Mizo zinga emergency vanga jail tang la damte hnenah chawimawina hlan an ni.