Ram buai \an tirh, kum 1967-a Chhiahtlanga khaw hrang hrang sawi khawm an nih kum 50 tlin hriatrengna inkhawm chu vawiina Chhiahtlang Govt. Middle School Field-ah buatsaih a ni a, CM, Pu Lal Thanhawla’n a hmanpui. Ram buai laia Chhiahtlanga khaw sawi khawmte chu Sailam, Sialhau, Vanchengte, Lamchhip leh Vaihal khua te a ni a, hemi hriatrengna inkhawm hi Chhiahtlang Grouping centre-a lo awm tawh, hmun hrang hranga khawsa tawhte pawhin an hmanpui a ni. Pu Lal Thanhawla chuan ram buai avang khan Mizorama khaw hrang hrang chu kum 1967, January ni 3 a\ang khan sawi khawm \anin, khaw awm zawng zawng zinga za zela 80 chu khaw 102-ah sawi khawma hrehawm taka awmtir an ni, a ti a, sawi khawmna khuate hi Protected & Progressive Village tih hming vuah ni mah se, mipuite tuarna nasa tak thlentu, a hming nen inmawi lo tak a nih avangin, Gauhati High Court-in dan palzutna nasa tak a awm tih hriain kum 1972 khan sawi khawm chu a ti tawp ta niin a sawi. CM chuan ram buai avanga kum 20 chhung zet, \ah leh ha \hialnaa mipuite awm kha thil hriat thar leh fo chakawm lo leh hriat chhuah nuam lo tak ni mah se, \hangtharten thil awm dan chiang taka an hriat theih nan leh an pi leh pute tuarna a\anga remna leh muanna hlutzia an hriat nan he ni hi mipuiten hmang se a duh thu a sawi bawk. Khaw khawm hriatrengna inkhawm hi Organising Committee Chairman, Lalremliana’n a kaihruai a, he hun hman puala Souvenir buatsaih chu AMC Commissioner, Dr. H. Lalthlangliana’n a tlangzarh a ni.
