He ni hi ram puma police, an duty laia ram tana nun hlantute hriatrengna, zahna leh chawimawina hun atan hman \hin a ni a. Mizorama a hmanna pui ber 1st Bn. MAP, Armed Veng, Aizawl a Martarte Hriatrengna hmuna neihah DGP Pu Balaji Srivastava hova hman a ni a. Rampum a Police thite hming chhiar chhuah a nih bakah Police mi leh sa ram tana nunna hlantute chibai bukna leh sunna hun hmangin 1st Bn.MAP ten Commemoration parade an nei bawk a. DGP, Police Officers leh staff te bakah Police martar-chhungten Martarte hriatrengna Lungphunah Pangpar dahin zahna chibai an buk bawk a ni.
Lungleiah pawh nimin zing khan Police Commemoration Day hi Luangmuala 2nd Bn MAP Hqrs.-ah Lunglei SP, Pu C. Lalthanmawia hova hman a ni.
Thusawiin Pu C. Lalthanmawia chuan kum 1959 October ni 21 khan China sipaite chuan Ladakh-a India ramri vengtu Police mi 20 chu bei thutin an zinga mi 10 an kaphluma, hei hi in lambunna rapthlak tak a nih avangin ram tana nunna hlantute hriatreng nan leh anmahni chawimawi nan he ni hi hman \hin a ni a ti. Pu C. Lalthanmawia chuan kum 1947-a Independence Day a\anga kumin August ni 15 thleng khan ram tana nunna hlantu Police mi 34,837 an awm tawh a, kum
2017 September thla a\anga kumin August thla thleng khan ram tan nunna hlantu 419 an awm tawh niin a sawi a, he inkhawmah hian ram tana nunna hlantute zahna leh hriatreng nan chibai an buk a, martar te hriatrengna thlanah pangpar an dah bawk a ni.
Lawngtlaiah pawh nimin zing khan District SP Pu Amit Goel-a hovin Police Commemoration Day hi Lawngtlai Police Station kawtah hman a ni a, he inkhawmah hian kumina ram chhung hmun hrang hranga duty laia thi Police 419 te sunna neih a ni a, Mizoramah chuan hemi chhung hian duty laia thi an awm lo a ni.
