Kum 1944 tawp lam leh 1945 tir lama Austrian Nazi death camp-a mi sang tel tam tak thihna thubuaiah German sorkar ukil ten khatih hunlaia tang vengtu, tuna kum 95 mi ni tawh chu mawphurtu zingah a tel tih sawiin, thubuai an siam sak.

Hans tia koh, Berlin-a cheng he putar hi mi sang tel tam tak tih hlumnaah hian a in hnamhnawih nia sawi a ni a, he insuatna thubuaiah hian mi tam tak thubuai siam sak an lo ni tawh a, Hans hi thubuai siamsak tharlam ber a ni. Mauthasen hmuna Austria Nazi death Camp lian berah hian mi nuai 1 sing 9 chuang khung an ni a, an zinga mi 63,223 te chu kahhlum an ni. He camp hi Linz khawpui a\anga km 20 vela hlaa awm a ni a, Nazi thuneihna dodaltu nia sawite khungkhawmna hmunah hman \hin a ni. An zinga tam tak chu hna rim tak thawh luih tir an ni \hin a, thawhrim lutuk vanga thi te, boruak chhiaa ur hlum te, silaia kahhlum te, tura chiu hlum te, ril\ama thi te leh khawvawt in a hmehhlum mi tam tak an awm a ni.