No Confidence Motion hi NDA thawhpui hlui, Telegu Desam Party put luh a ni a, an thil phut, Special Category-a Andhra Pradesh hlan kai chu an insawrbing duhna a nih thu leh hemi chungchanga an lungawilohnate sawi chhuah an duh thu an lo sawi tawh a ni.
TDP aiawh hian Amara Raja Group hotupa leh Guntur MP, Jayadev Galla-a’n thu a sawi hmasa ber a, Special Category-a an state hlankai a la nih loh chhan nia sorkar laipuiin a sawite chu an pawm loh thu leh PM Narendra Modi chu a hmaa ram hruaitu lo ni tawh te ram tana an inpekna a zah lo hle niin a sawi a, PM thusawi ber an pawm kim thei lo anih chuan ram tan thil \ha a thleng thei dawn lo niin a sawi bawk a ni. Galla hian special category-a Andhra Pradesh hlankai hi kum 2014 khan manifesto-ah pawh an lo hmang tawh niin a sawi bawk a, tuna an lungawilohna chu BJP an beihna bik a nih loh thu leh Congress ang thoin an state an sawp rethei niin a sawi bawk a ni.
Parliament ah sorkar rin tawk lohna motion sawiho anih laiin rin lawk loh tak thil a thleng a, Congress President Rahul Gandhi chuan Prime Minister leh a sorkar na taka a beih hnuah, Modi-a \hutna lam panin a va kuah a ni.
Rahul Gandhi thusawi hian house chhung boruak a ti sang hle a, BJP dawt thutiam avangin kan vaiin kan tuar a ni a ti.
