Kulsoom Nawaz Sharif-i chu Lahore Parliament bial by-election-ah thlan tlin a ni

Pakistan PM hlui, Nawaz Sharif-a nupui, Kulsoom Nawaz Sharif-i chu Lahore Parliament bial by-election-ah vote 59,413 hmuin thlan tlin a ni a, Lahore bial hi Sharif chhungkua kulhpui ang hiala sawi \hin ni mah se, kumin July ni 28-a Panama Papers thubuai chhuinaa court hmaa thu dik lo sawi puh, Pu Sharif-a chu PM a nihna a\anga bantir a nih avang khan Lahore seat hi a ruak ta a ni. Election Commission thupuangtu chuan Pi Kulsoom-i hian a khingpui, Pakistan Tehreek-i-Insaf candidate, Yasmin Rashid-a chu vote 13,000 velin a hneh niin a sawi a, kum 2013-a Pakistan inthlanpuiah khan Pu Nawaz Sharif-a chuan Rashid-a hi vote 41,000 chuangin a hneh a, tuna a nupuiin a khingpui a hnehna a tlem t^k avang hian, Sharif chhungkua hian thlawptu a nei tlem tial tial nia ngaih a ni. Puan tawh angin, kum 67 mi, Pi Kulsoom-i hi tun hnai khan hrawk cancer avangin London damdawi inah enkawl a ni a, hei vang hian campaign-naah pawh a fanu, Maryam Sharif-i’n a nu ai hi a awh a ni.