Kulikawn West tlangval kum 20 mi, nizana a Pathian thusawi lai kutthlaktu H Lalsiamliana chu Police ten thubuai siamsakin Jail ah dahluh a ni.
Kulikawn West tlangval pakhat K. Remsangpuia’n nizan dar 8:30 vela tuallaia Pathian thu a sawi lai chu H. Lalsiamliana kum 50 vel mi chuan beiin tiangin a vu a, kutthlaktu hi PHE Dept.-a Executive Enginer hna thawk lai a ni.
K. Remsangpuia hi a kiu veilam leh a dar veilamah a vua a, damdawi inah a \ul anga enkawl a nih hnuah admit lova chhuah tir leh a ni. H. Lalsiamliana’n K. Remsangpuia a khawih thawm hria mipui pungkhawm chuan K. Remsangpuia hi an \anpuia, Pathian thusawi lai vawtu Engineer thil tihdan chu demin Police an hriattir a, Police-te chuan H. Lalsiamliana hi la-in, Aizawl Police Station an panpui nghal a ni. Police hotute hnen a\anga thudawn danin nizana Remsangpuia Pathian thu sawina hmun hi H. Lalsiamliana te in bul vel a ni. H. Lalsiamliana hi Police-te chuan thubuai an siam sak a, vawiin khan Court-ah inlantir a ni a, Magistrate thu angin Central Jail-ah dah luh a ni.
Hetihlai hian Kulikawn West Welfare Committee chuan he thil thleng chungchang hi sawifiahin Kulikawn Local Council ah hmala tura ngenna an thlen a, an sawi danin K. Remsangpuia hian nizan dar 9 vel khan Kulikawn CP Road-ah Pathian thu sawiin, hnehna puangin a auva, hei hi PHE Sr. EE, Pu H. Lalsiamliana chuan lo changin tiangin a vaw zui ta mai niin an sawi. Kulikawn West Welfare Committee chuan K. Remsangpuia hian CP Road leh Kulikawn hmun \henkhatah Pathian thu a sawi \hin a, PHE Engineer, H. Lalsiamliana hian a bengchheng tia khapin tun hmalam khan kut pawh a lo thlak tawh niin an sawi a ni.
