Nimin zinglam dar 3:30 vela Kulikawn Ngaizela City Bus Terminal-a dah, bus 4 kan chhan chu chhui chian mek a ni. Kulikawn Police a\anga ZONET thudawn danin Bus kan chhan hi hriat a la ni lova, Bus kang 4 zinga 2 chu a kang chhe vek a, a dang 2 chhiat dan erawh a ziaawm deuh thung, a kan lai hian Terminal vengtu Security chu Bus kang chhungah a muhil a, vanneihthlak takin a insa seng thei hlauh a, a mobile phone erawhchu a kang chhe vek a ni. Bus kang hian a bula Aizawl City Bus Owner Association Pisa Electric Meter leh tuizem te a kang chhe tel bawk.
Aizawl City Bus Owner’s Association in thuchhuah siamin, Bus 4 hal a ni chu pawi a tih thu leh misual kut tuar vanduaina tawkte an tawrhpui thu an sawi a, Police ten Bus haltu misual chu a rang thei ang bera an man chhuah a, a phutawk hremna an pek ngei an beisei thu an sawi a, rang taka kang \helh hna thawktu Fire Department te, a \ul apiang buaipuitu Kulikawn Local Council leh YMA hmalakna te chu fakawm an tih thu an sawi.
