Ni hnih hnua Krismas lo thleng tur lawm turin Lawngtlai khawpuia mite leh kohhran hrang hrangte chu nasa takin an inbuatsaih. Lawngtlaia ZONET Corr. sawi danin, Lawngtlai Bazar pawh kum dang ai mahin a lun a, thingtlang lam a\anga Krismas leh kum thar chak la mi \hahnem tak hmuh tur an awm a, lirthei veivak pawh kum dang aiin a \hahnem zawk a ni. Kohhran hrang hrang inbuatsaihna pawhin a vawrtawp a thleng tawh a, Biak In pawh an chei zo vek tawh a ni. Kohhran \henkhatah chuan kum danga an tih \hin dan angin krismas hi mimalin an thleng dawn a, krismas atana kohhran programme buatsaih chu kohhran tam ber chuan naktuk zan a\angin an hmang \an dawn a ni. Krismas ni-a ruai \heh tur, Kohhran \henkhat an awm a, a tam zawk chuan krismas ni chu Pathianni anga hmangin, a tuk ni 26-ah a lawmna ruai an \heh dawn a ni. Kuminah hian Mizoram hmun dang ang bawkin Lawngtlaiah pawh mipuiten khawpui chhung hmun lun lai leh kawn chei an uar vak lo a ni.
