Aizawl SP, Pu Neihchungnunga hovin vawiin khan Aizawl khawpui chhunga Police Station hrang hrang hotuten Krismas leh Kumthar vuat veta ven himna hna thawh dan tur, Aizawl SP Conference Hall-ah an sawi hova. Mipuiten hlim leh thlamuang taka hunpui an hman theih nan tun thla ni 18 a\anga kum thar, January ni 2 thleng, zan lamah khawpui chhung hmun hrang hrangah Police duty tir ni se, hunpui inpuahchahna atana thingtlang lam leh Bazar-a kal mipuiten harsatna an tawh thulha \anpui turin tun thla ni 13 a\ang hian Bazar chhung hmun 3 – Israel Point, V. Lalliana Point leh Bazar chhung High Mass hnuaiah Police Help Desk siam ni se, khualzinte him zawk nan Aizawl District chhunga Police Station leh Outpost hrang hrangah khualzin phur leh bungraw phur lirtheite endik a, a khalhtute chu ruih theih thil laka an fihlim leh fihlim loh finfiah ni se, Aizawl North leh South SDPO kaihhruaina-in Aizawl khawpui chhehvel, Rangvamual leh World Bank Road-ah Mobile Cheking neih ni se, Aizawl khawpui chhunga Police Station hrang hrangin zing karah Bazar leh hmun lun laite enfiahin, hmun remchang laiah lirthei tlante endik \hin se an ti a ni.
