Heng thil hman leh zawrh khapna hi November ni 15 khan Aizawl Bawrhsap Dr. A. Muthamma in a lo ti chhuak tawh a, hemi bawhzui dan tur hi Addl. SP Pu PC Lalduhthlanga kaihhruaiin, SDPO leh Police station hrang hrang OC te leh Central YMA hruaitute, MKHC hruaitute leh MIMA hruaituten an sawi ho a ni. Police leh CYMA in khapna thupek bawhzui tura a lo ruat tawh Sub-committee leh Squad ten dan lova halpuah leh silai lem zawrh leh hman a awm leh awm loh dap chhuak \hin se, CYMA in veng tinah ngenna siamin, Kohhran tinah puan nise an ti a, sumdawng pawl MIMA in sumdang leh Dawrkai te hnenah ngenna leh hriattirna lo siam se an ti bawk.
Heng bakah hian mipui zirtirna leh hriattirna thuziak vantlang hmunah tar nise tih te, Local Council leh VC te chu an huam chhung \heuha hma la tura ngen nise tih te an rel bawk a, karleh thawhlehni a Vote chhiar hunah party chak zawk te pawhin a lawmna atan halpuah leh halmawi lam hmang lo turin a ngen bawk
