Aizawl Bazarpui enkawltu Commerce and Industries Department hnuaia Commerce Wing hotute chuan, No Vehicle Zone siam a nih vangin Bazar a lun phah deuh nia an hriat thu an sawi a. December thla tir a\ang khan kumin hian kum dang zawng aiin Bazar a lun hma zawk a, sumdawngte pawh an inhralh \ha deuh nia an hriat thu leh Bazar hi a lun viau chungin kum dang zawng aiin thil bo leh harsatna tawk report erawh a tlem thu an sawia, a khat tawkin Bazara kal mipuite chu aurinna hmangin fimkhur turin an chah \hin tih an sawi. Bazar chhung hmun remchang laiah misual an vai \hin avangin harsatna thleng a tlem phah nia an hriat thu an sawi bawk a, tunkar Thawhlehni khan mi pawisa ruk hmang hmeichhia an man a, hei hian vawiin thlengin thil bo a tih tlem phah nia an hriat thu an sawi.
Commerce Wing chhinchhiah danin, tun thla ni 1 a\anga vawiin thleng khan pawisa chhar report an dawn chu Rs. 26,181 a ni a, hetih hun chhung vek hian pawisa bo report Rs. 1,88,955 an dawng a ni.
New Market Beat Police Duty-te pawhin kum dang zawng aiin kumin hian pawikhawihna kaihhnawih report an dawng tlem tih an sawi a, sorkar-in halphuah leh halmawi lam chi leh silai lem, a mu kapchhuak thei a khap chu a khat tawkin an endik \hin a, vawiin thlengin hetiang zuar lui hi an la man lova, silai lem bik chu Aizawl Police Station-a Police Duty-ten \um 2 vel an man tawh niin an sawi.
Kum dangah chuan Bazar-a kal mipuite an him zawk nan Bazar chhung hmun remchang laiah Police Duty dah \hin an ni a, hei hi kuminah hi chuan dah an ni a, Police Duty hi awm lo mah se, buaina leh harsatna thleng a tam phah chuang lo niin New Market Beat Police Duty-te chuan an sawi a ni.
