Mizoram Police thupuangtu, Aizawl Addl. SP nibawk Pu PC Lalchunglura chuan, Krismas vuakvetah Mizoram chhung hmun hrang hrangah dan bawhchhiatna lian tham thleng hriat tur a awm lo tih Zonet a hrilh a, a bikin Aizawl khawpui chhungah pawh boruak a ralmuang a, Sokar-in krismas leh kumthar vuak vetah halpuah leh halmawi lam chi tel lova hun hmang tura mipuite a ngenna pawhin zawm a hlawh \ha thawkhat tih a sawi. Pu PC Lalchunglura chuan, urlawk ni December ni 24 khan Aizawl District bikah thubuai 8 ziahluh a ni tih sawiin, chung zinga thubuai 3 chu rukruk thubuai a ni a, sorkar-in a khap chunga silailem a mu kapchhuak thei chi zuar mi 1 man niin, MLPC Act hmangin mi 3 man an ni bawk a, Motor accident kaihhnawih thubuai 1 a awm a, heng mite hi Court-a an chungthu rel tura thawn an ni tih a sawi.
Police thupuangtu chuan, hunpui vuak vetah boruak ralmuang tak a awm theih nan YMA, Excise leh Police te \angho chu December ni 21 a\ang khan Aizawl khawpui chhung hmun remchang laia Check Post 9 siamah a huhovin an duty \an tih a sawi a, hei hi kum thar January ni 3 thleng chhunzawm tura ruahman a ni tih sawiin, hei bakah hian Aizawl khawpui chhunga Police Station 4 – Aizawl PS, Bawngkawn, Kulikawn leh Vaivakawn Police Station-a mite chuan chhun zan zawmin ni tin Mobile Patroling an nei \hin a, hei hian boruak a tinuam zual nia an hriat thu a sawi.
Police thupuangtu chuan, sorkar-in halpuah leh halmawi lam chi hal lo tura a ngenna chu kumthar vuakvet chhung pawhin mipuiten an zawm a beisei thu a sawi a, thuawih lote chu dan anga an chungthu ngaihtuah a ni dawn tih a sawi.
