Vawiin khan Central K|P Leader, Rev. Dr. K. Lallawmzuala kaihhruaiin rorel a ni a, an thu ngaihtuahte zingah chuan Falkland rama Youth Recreation Centre pualin budget a ngai anga siam ni se, Aizawl khawpuia K|P member tinin Rs. 50, District khawpui member tinin Rs. 30, member dang zawngin Rs. 20/- thawh ni se, Youth Recreation Centre pual hian Branch zawng zawngah Thawh\an zan \um khat inkhawm thawhlawm lak khawm ni bawk se an ti a, 2019 – 2020 chhungin thupui zir leh ni se, Agenda-a lut te a\angin Central K|P-in thlang fel mai se an ti a, 2019 chhungin K|P inkhawm vawi khat thawhlawm Hospital Charity Fund pualin lak khawm ni se, chhawmdawlna pualin K|P inkhawm \um khat thawhlawm lak khawm ni bawk se, kum 2019 chhungin CK|P-in ruihhlo ngaite pualin rampum huap \awng\ai rual buatsaih leh ni rawh se tih te, Central K|P hmalakna in HIV/AIDS darhzau zel tur ven nan poster leh billboard tar leh Awareness Campaign neih ni se, kum 2020 – 2021 kumpuan thupui neih leh ni se, rawtna lut a\angin Central K|P-in thlang se tih te a tel a ni. Kum 2019 – 2020 Central K|P budget atan Rs. 69,26,000/- pawm a ni bawk.
Nakkum General Conference chu Serchhipah nghah a ni a, kum 2021 Rorel Inkhawm chu Chaltlang Kohhran Biak Inah, March ni 5 a\anga ni 7 chhunga neih tur a ni. K|P Rorel Inkhawmah hian nizan a\ang khan Pathian Biak Inkhawm neih a ni a, Moderator Rev. R. Lalhmingthanga’n Pathian thuchah a sawi a, vawiin chawhma inkhawmah Central K|P Asst. Leader Upa Rosangliana’n Pathian thuchah a sawi ang. Chawhnu inkhawmah Synod Exe Secy Rev. B. Sangthanga’n thuchah a sawi ang a, zan inkhawmah Central K|P Leader, Rev. Dr. K. Lallawmzuala’n thuchah a sawi bawk ang.
